Home Page

Wara t-tnedija uffiċjali tal-Malta Fair Play Movement, l-iStanding Committee iffurmat minn Joe Borg Cardona, Kevin J Azzopardi, Pierre Cassar, Dr Adele Muscat u ċ-Ċermen Charles Camenzuli, ħabbru l-ewwel TGS Malta Fair Play Award b’mod konġunt mal-Għaqda Ġurnalisti Sports u sponsorjat minn Together Gaming Solutions. Zurrieq FC Futsal ġew mogħtija l-ewwel premju għall-perjodu bejn Jannar u Marzu tas-sena 2021. Il-ġest altuwistiku min-naħa ta’ Zurrieq FC Futsal seħħ waqt logħba tal-kampjonat tal-futsal lokali fit-23 ta’ Jannar 2021 kontra St. George’s, wara li ħallew lill-avversarji jiskurjaw biex jikkompensaw għall-gowl li skorjaw waqt li plejer ta’ St. George’s kien imweġġa’ fil-court. Hemm ukoll vidjow fuq il-midja soċjali li jiddokumenta dan il-ġest. Il-premju ġie preżentat lill-Head Coach Alexei Saliba u l-Vice-Captain Luke Bugeja ta’ Zurrieq FC Futsal li kienu preżenti dakinhar li seħħ il-ġest altruwistiku. Il-preżentazzjoni tat-TGS Malta Fair Play Award saret nhar il-Ġimgħa 4 ta’ Ġunju 2021 fis-2pm fil-preżenza ta’ Andrea Critien mid-Dipariment tal-Finanzi [...]

Mill-preżentazzjoni uffiċjali ta’ ‘Together Gaming Solutions Fair Play Award ’, il-Malta Fair Play Movement b’kollaborazzjoni mal-Għaqda Ġurnalisti Sports se tkun responsabbli mill-evalwazzjoni ta’ applikazzjonijiet b’rabta mal-kunċett ta’ Fair Play li jkunu għaddew minnu assoċjazzjonijiet, uffiċjali talisport u/ jew atleti matul il-perijodu Jannar – Marzu 2021. Il-Malta Fair Play Movement tikkonsidra wkoll sitwazzjonijiet ta’ ‘Fair Play’ imressqa mill-pubbliku fejn dettalji tal-avveniment / kompetizzjoni flimkien ma tagħrif dwar l-atleti, timijiet jew uffiċjali involuti għandhom jingħataw. Ir-rikonoxximent għal ‘Fair Play’ huwa intiż għal dawk fil-qasam tal-isport kemm fuq livell individwali jew bħala tim għal mod atruwistiku f’kompetizzjoni/ijiet uffiċjali jew le. Dettalji ta’ nominazzjonijiet għandhom jintbagħtu permezz ta’ email info@maltasportsjournalists.com jew charles.camenzuli@gmail.com – mhux aktar tard mill-10 ta’ Mejju 2021.