Home Page

Is-Sibt filgħaxija waqt xandira diretta fuq TSN1 u l-paġni soċjali ta’ Facebook, tħabbru r-rebbieħa tal-iSportMalta Awards Għażliet Sportivi Nazzjonali. Il-61 edizzjoni kienet ikkaratterizzata mill-fatt li minħabba s-sitwazzjoni preżenti tal-Covid19 is-serata ma setatx issir bħas-soltu fil-preżenza ta’ dawk kollha involuti. Minflok saret edizzjoni virtwali konformi mall-aħħar avviż legali maħruġ mill-Awtoritajiet tas-Saħħa Pubblika. Kelliema waqt din ix-Xandira kienu s-Segretarju Parlamentari responsabbli mill-iSport, Rikreazzjoni u Organiżazzjonijiet Volontarji l-Onor Clifton Grima, iċ-Chairman ta’ SportMalta Dr Luciano Busuttil, il-Kap Eżekuttiv ta’ SportMalta Mark Cutajar u l-President tal-Għaqda Ġurnalisti Sports Sandro Micallef. Għal sena oħra din is-serata kienet organizzata b’mod konġunt mill-Għaqda Ġurnalisti Sports flimkien ma’ SportMalta bl-appoġġ sħiħ tas-Segretarjat responsabbli mill-iSport. Waqt din ix-xandira li kienet ippreżentata minn Lorraine Cunningham u Chris Cauchi ġew mqassma 11 il-unur – sebgħa fuq votazzjoni tal-ġurija, wieħed fuq vot popolari tan-nies, wieħed għażla tal-Kumitat Eżekuttiv tal-Għaqda Ġurnalisti Sports u tnejn fuq suġġeriment ta’ Special Olympics.   L-unuri kollha mqassma [...]

Il-61 edizzjoni ta' SportMalta Awards - Għażliet Sportivi Nazzjonali se tkun qed titella' għada s-Sibt 13 ta' Marzu 2021. Kif imħabbar iktar qabel l-edizzjoni ta' din is-sena se tkun waħda speċjali hekk kif il-kumitat organizattiv iffurmat b'mod konġunt bejn l-Għaqda Ġurnalisti Sports u SportMalta kienu kostretti li jwasslu din l-edizzjoni b'verżjoni differenti kif imdorrija s-soltu. L-Edizzjoni ta' din is-sena li se tkun qed tippremja l-aħjar u l-aqwa kisbiet matul is-sena 2020 se tkun qed tixxandar fuq TSN1, fuq il-pjattaforma ta' Melita u Go, kif ukoll fuq Facebook live permezz tal-paġni Malta Sports Journalists Association kif ukoll Be Active SportMalta. Se jkun hemm trażmissjoni diretta ukoll fuq il-Youtube channel Xandira live. L-avveniment jibda fit-8pm b'format ta' programm Televiżiv bil-mistiedna fosthom il-finalisti jingħaqdu f'kollegament virtwali permezz tal-pjattaforma zoom. Is-serata ta' din is-sena se tkun ippreżentata minn Lorraine Cunningham u Chris Cauchi. Id-dettalji dwar il-kategoriji u l-finalisti jinsabu fuq is-sit www.maltasportsjournalists.com

Tħabbru l-finalisti tal-edizzjoni ta’ din is-sena ta’ SportMalta Awards Għażliet Sportivi Nazzjonali li se jirrikonoxxu l-kisbiet sportivi tas-sena 2020. F’konferenza stampa li xxandret diretta fuq il-media soċjali s-Segretarju Parlamentari għall-Isport Clifton Grima faħħar id-deċiżjoni tal-Kumitat Organizattiv li ma jikanċellax l-avveniment u jbiddel ilformat minn wieħed bl-udjenza, għall-avveniment virtwali forma ta’ programm televiżiv. Il-President tal-Għaqda Ġurnalisti Sports Sandro Micallef spjega li din id-deċiżjoni ttieħet fl-interess tal-atleti, l-uffiċjali, sponsors u mistiedna oħra li ta’ kull sena jkunu preżenti għal dan l-avveniment annwali iżda fiċ-ċirkostanzi preżenti u r-restrizzjonijiet imposti dan mhux se jkun possibbli. Il-Finalisti huma dawn: SPORTIVA TAS-SENA Sue Abela (Ten Pin Bowling) Haley Bugeja (Football) Sasha Gatt (Għawm) SPORTIV TAS-SENA Rodney Gatt (Tiġrijiet taż-Żwiemel) Dejan Grech (Pool) Ben Plumpton (Waterpolo) ŻAGĦŻUGĦA TAS-SENA Haley Bugeja (Football) Tenishia Thornton (Weightlifting) Tara Vella Clark (Ġinnastika) ŻAGĦŻUGĦ TAS-SENA Kayden Lagana' (Ten Pin Bowling) Richard Schultheis (Ibburdjar) Kijan Sultana (Squash) KOWĊ TAS-SENA Jesmond Caruana (Weightlifting) Devis [...]