News

8 ta’ Frar 2019 L-Għaqda Ġurnalisti Sports tieħu nota tal-kummenti dispreġjattivi li saru fuq facebook mill-eks membru tal-Eżekuttiv tal-GħĠS Cristian Muscat ilbierah 7 ta' Frar 2019. Qatt ma kienet l-intenzjoni tal-Kumitat Eżekuttiv li ċertu diskussjonijiet u deċiżjonijiet tal-kumitat joħorġu fil-pubbliku iżda ġaladarba s-sur Muscat għoġbu jitfa' fid-dubju l-integrita' tal-Għaqda Ġurnalisti Sports u tal-Kumitat Organiżattiv tas-SportMalta Awards Għażliet Sportivi Nazzjonali, l-Eżekuttiv m’ghandux triq ohra hlief dik li jiċċara l-fatti kif ġej: Għal perjodu twil ta’ żmien kienu qed jaslu hafna rapporti għand l-GħĠS minn persuni involuti fl-isport, ufficjali, atleti u ġurnalisti oħra, li f’ċertu attivitajiet, speċjalment meta tali attivitajiet ikunu segwiti minn festini, li l-imġieba tas-sur Cristian Muscat ma kenitx tkun waħda denja u tirrifletti mġieba etika kif mistennija mill-ġurnalisti membri tal-GħĠS; Madanakollu kemm il-President tal-GħĠS Sandro Micallef, kif ukoll membri ohra tal-Eżekuttiv, dejjem ippruvaw jgħinu lis-sur Muscat jipprova jegħleb dawn il-problemi. Dan sakemm l-affarijiet laħqu livelli inaċċettabli waqt ġita li [...]

Il-Kunsill tal-Istitut tal-Ġurnalisti Maltin jikkundanna kull forma ta’ theddid fuq ġurnalisti, speċjalment meta dawn ikunu fuq il-qadi ta’ dmirijiethom. Fl-aħħar jiem, l-Istitut ġie infurmat li membri fi ħdanu u ġurnalisti oħra sfaw vittmi ta’ theddid minn membri tal-familji ta’ żgħażagħ li tressqu akkużati li aggredew żagħżugħ ieħor. Filwaqt li juri solidarjetà sħiħa mal-ġurnalist tal-PBS, Brandon Pisani u kollegi ġurnalisti oħra li waqt il-qadi ta’ dmirijiethom sfaw mhedda serjament, l-Istitut tal-Ġurnalisti jikkundanna bla riservi kull tip ta’ theddid u intimidazzjoni fuq il-ġurnalisti. L-Istitut itenni li ebda dorma ta’ vjolenza, anqas dik verbali ma’ hi aċċettabbli u m’għandhiex titħalla għaddejja qisu xejn m’hu xejn. Waqt li l-IĠM jirrikonoxxi s-sehem li tat il-pulizija f’dan il-każ, fejn tat protezzjoni xierqa lill-ġurnalisti u saħansitra skortathom sal-post tax-xogħol tagħhom biex jaslu b’mod sigur u ħieles minn kull periklu, jappella biex din il-protezzjoni tkun dejjem assigurata lill-ġurnalist waqt il-qadi ta’ dmirijietu.