News

F’Laqgħa Ġenerali Annwali organizzata b’mod virtwali, inħatar Kunsill Eżekuttiv ġdid għallIstitut tal-Ġurnalisti Maltin għas-sentejn li ġejjin. Għall-ewwel darba, il-kunsill se jkollu membri minn sitt kmamar tal-aħbarijiet lokali biex b’hekk hemm l-akbar rapreżentanza tal-media Maltija. Għall-ewwel darba ukoll, l-IĠM se jkollu tliet nisa fil-Kunsill, biex b’hekk hemm l-akbar rapreżentanza femminili li qatt kellu l-Kunsill tal-IĠM fi 30 sena kemm ilu jeżisti. Fin-nuqqas ta’ nominazzjoni għall-kariga ta’ President, il-laqgħa ġenerali annwali qablet li persuna fost il-membri eletti fil-kunsill għandha tintgħażel għall-President fl-ewwel laqgħa tal-Kunsill meta jitqassmu il-karigi rispettivi. Nigel Mifsud se jibqa’ jokkupa l-kariga ta’ Segretarju Ġenerali waqt li Mario Schiavone se jibqa jokkupa lkariga ta’ teżorier. Il-membri l-oħra appuntati huma Claire Caruana, Sylvana Debono, Christine Amaira, Neil Camilleri, Julian Bonnici, Charles Camenzuli u Domenic Aquilina. Il-President tal-Għaqda Ġurnalisti Sport Sandro Micallef se jkun membru mingħajr vot fil-kunsill, bl-għaqda hi statutorjament affiljata fi ħdan l-IĠM. Waqt il-laqgħa ġenerali annwali, ġie żvelat il-logo [...]

L-Atleta Paralimpiku Thomas Borg rebaħ l-unur tal-Atlas Żagħżugħ tax-xahar għal Mejju hekk kif hu ntagħżel bħala wieħed mill-atleti li bil-perseveranza tiegħu baqa’ attiv u pożittiv waqt il-pandemija COVID-19. Borg li għandu 18 –il sena twieled b’Dysmelia f’idu l-leminija u beda l-avventura tiegħu fl-għawm kompettitiv fis-sena 2015 taħt il-gwida tal-kowċ Ebi Ebidaniad. Qabel beda l-għawm hu kien jilgħab regolarment il-futbol man-Nursery ta’ Melita AFC. Wara perjodu jittrenja l-għawm hu kien magħżul biex jifforma parti mit-team Nazzjonali tal-Para Swimming taħt it-tmexxija tal-kowċ Isabelle Zarb fejn idebutta f’kompetizzjoni internazzjonali f’Istanbul it-Turkija. Wara sena jitħarreġ bis-serjeta’ hu ngħaqad mal-Club ta’ Neptunes sakemm ikkwalifika uffiċjalment bħala għawwiem taħt ir-rekwiżiti tal-Kumitat Paralimpiku Internazzjonali fejn beda jikkompeti f’meetings internazzjonali paralimpiċi tal-għawm. Wara, taħt il-gwida tal-kowċ Edward Caruana Dingli mal-Club ta’ Exiles, Borg ikkompeta f’żewġ kompetizzjonijiet internazzjonali fl-Italja kif ukoll fil-kampjonat tad-Dinja tal-Għawm Paralimpiku f’Londra fl-Ingilterra. F’dawn l-aħħar xhur Thomas reġa’ beda jittrenja taħt l-ewwel kowċ tiegħu Ebidaniad fl-Inspire [...]

Paralympic athlete Thomas Borg has been awarded the ‘Atlas Youth Athlete of the month’ for the month of May 2020 after his perseverance and positive attitude helped him to keep active during the COVID-19 pandemic. Thomas who is 18 years old was born with Dysmelia of his right forearm (Amelia). He opted for swimming after having played football for several years with the Melita AFC Youth Nursery. His inspiring sporting journey continued in 2015 with swimming coach Ebi Ebidanaid. In the same year he was selected to form part of the Para Swimming national team under the guidance of coach Isabelle Zarb where he made his international competitive debut in Istanbul, Turkey. During the season 2016/17 he joined Neptunes during which season he was officially classified and accepted to compete in official International Paralympic Committee swimming meets. Subsequently, he joined Exiles under coach Edward Caruana Dingli. During the past two seasons he has participated in no less than three international events two of which in Italy and at the World Para Swimming Championships in London. He has recently decided [...]

L-Għaqda Ġurnalisti Sport tinnota b'sodisfazzjon li wara l-appell ta' diversi assoċjazzjonijiet tal-Isport u anke mill-Kumitat Olimpiku Malti, l-Gvern u l-awtoritajiet tas-Saħħa se jillaxkaw fuq diversi miżuri relatati mal-attività sportiva fil-pajjiż. Id-deċiżjoni li jista' jiġi prattikat sport individwali fuq barra u taħriġ fi gruppi sa sitt individwi minn nhar il-Ġimgħa kienet deċiżjoni li l-maġġoranza tal-Isportivi apprezzaw immens. L-Għaqda Ġurnalisti Sport hi konxja tal-fatt li flimkien ma' SportMalta, l-awtoritajiet tas-Saħħa ġabru u fasslu lista ta' dixxiplini sportivi li ġew klassifikati bħala sport ta' riskju baxx, medju u għoli. Għaldaqstant qedgħin napellaw sabiex din il-klassifikazzjoni tkun pubblikata fl-interess ta' kulħadd u sabiex kulħadd ikun konxju mir-riskju involut meta se jirritorna għat-taħriġ. L-Għaqda Ġurnalisti Sport tagħmel appell ukoll sabiex l-istakeholders prinċipali tal-Isport f'pajjiżna jiġifieri s-Segretarjat Parlamentari tal-Isport, SportMalta u l-Kumitat Olimpiku Malti, ipoġġu madwar mejda mas-Supretendent tas-Saħħa u tobba li jispeċjalizzaw fil-mediċina tal-Isport u jfasslu protokolli mediċi speċifiċi għad-dixxiplini sportivi l-iktar popolari fil-pajjiż jew fi gruppi ta' ġeneri ta’ [...]