News

Il-Ħadd filgħaxija ġiet fi tmiemha b’suċċess l-ewwel edizzjoni tas-Sela Cup li kienet preżentata minn Visit Malta. Wara li saret il-preżentazzjoni tat-trofew lir-rebbieħa Newcastle United, Carlo Micallef CEO tal-Awtorità Maltija għat-Turiżmu u Helmut Amhof tkellmu mall-ġurnalisti Maltin preżenti, fejn Carlo Micallef kien mistoqsi biex jagħti l-kummenti tiegħu wara li ġie fi tmiemhu dan l-avveniment. Carlo Micallef tkellem dwar l-ħsieb u l-ħidma li saret biex Visit Malta tiġi esposta f’ tournament ta’ dan t-tip, li fih ħadu sehem Newcastle United li din s-sena ser ikunu qed jirritornaw lura fil-UEFA Champions League wara assenza ta’ snin, Fiorentina li kienu finalisti tal- UEFA Europa Conference League matul l-istaġun li għadda, Villarreal li kienu finaslisti ta’ kompetizzjoni Ewropeja żewġ staġuni ilu u l-klabb Franċiż ta’ OGC Nice. Huwa kompla billi qal li l-erba’ pajjiżi li ġejjin minnhom t-timijiet li ħadu sehem huma pajjiżi li huma importanti f’dak li huwa l-qasam turistiku għall-pajjiżna. Ic-CEO ta’ [...]

Ftit tal-ħin ilu ġiet fi tmiemha s-Sela Cup, li kienet ippreżentata b’suċċess minn VISIT MALTA. L-ewwel edizzjoni ta’ din l-kompetizzjoni kienet mirbuħa minn Newcastle United wara li fil-partita ta’ llum huma għelbu lil Villarreal bl-iskor ta’ 4-0. Għall-partita tal-lum iż-żewġ naħat niżlu bi skwadra ta’ plejers differenti mill-plejers li kienu utilizzati fil-logħbiet tal-bieraħ. Wara biss ħames minuti mil-ftuħ tal-partita, Newcastle United fetħu l-iskor fejn kien Matt Richie li pprovda l-freekick li kien newtralizzat b’mod temporanju mid-difiża, il-ballun spiċċa għand JACOB MURPHY li b’xutt b’saħħtu minn tarf il-kaxxa ma ħafirx u poġġa lill-Magpies fil-vantaġġ. Fl-10 minuta Newcastle ħasbu li għamlu l-iskor 2-0 meta minn freekick qasir kien Bruno Guimares li dendel kross li sab lil Callum Wilson li tefa' l-ballun fix-xibka. Dan il-gowl iżda kien imħassar wara li l-istess Wilson kien f’pożizzjoni irregolari. Fil-27 minuta għal darb'oħra Newcastle ħasbu li kabbru l-marġi tal-iskor, meta kien Matt Richie li pprovda mill-freekick, [...]

Fl-ewwel partita li kellna llum f’St James Park mis-Sepa Cup ippreżentata minn Visit Malta, iltaqgħu OGC Nice u Fiorentina fejn kienu t-tim ta’ Vincenzo Italiano li kisbu l-punti f’rebħa ta’ 2-1. Fiorentina marru fil-vantaġġ fis-sbatax il-minuta meta kien Christian Kouname li tefa’ ballun l-quddiem u sab lil LUCA JOVIC li b’xutt fil-baxx tefa’ l-ballun wara l-goalkeeper Kasper Schmeichel. Fil- 25 minuta reġgħu kienu Fiorentina, meta din d-darba kien Luca Jovic li tefa’ kross fil-baxx li sab lil Nanitamo Ikone li kellu konklużjoni fjakka u li kienet salvata bla ebda problemi minn Kasper Schmeichel. Tlett minuti wara u waslet l-ewwel azzjoni minn OCG Nice meta kien corner ta’ Bilal Brahimi u l-ballun spiċċa għand Ayoub Amraoui li kellu l-konklużjoni tiegħu salvata minn Pietro Terracciano. Fi 32 minuta wieġbu l-Viola, meta kien Luca Ranieri li pprova x-xutt mid-distanza u li kien mdawwar f’corner mil-goalkeeper Schmeichel. Fl-azzjoni sussegwenti, mill-corner Fiorentina kabbru l-marġni [...]

Fit-tieni partita tal-lum mis-Sela Cup li hija ppreżentata minn Visit Malta, iltaqgħu Newcastle United ta’ Eddie Howe kontra t-tim Taljan ta’ Fiorentina, bil-Magpies li rnexxielhom jtemmu l-konfront fuq in-naħa rebbieħa bl-iskor ta’ 2-0. L-ewwel azzjoni perikoluża tal-logħba waslet fil-25 minuta, meta Elliot Anderson għadda l-ballun lil Anthony Gordon, b’dan tal-aħħar ra x-xutt b’saħħtu tiegħu jintemm mal-lasti. Sitt minuti minn tmiem l-ewwel taqsima, Newcastle fetħu l-iskor meta kien Alexander Isak li tefa' ballun preċiż lejn Miguel Almirón li b’xutt bid-dawra tefa’ l-ballun fix-xibka. L-ewwel taqsima ntemmet 1-0 għal Newcastle United. Ma’ kważi siegħa logħob kienu Newcastle United li reġgħu resqu viċin, meta reġa' kien l-istess Almirón li pprova xutt ċentrali minn barra l-kaxxa u li ġie salvat tajjeb minn Michele Cerofolini. Tmien minuti mit-tmien, Newcastle United għamlu ċert mir-rebħa bit-tieni gowl, meta kien corner ta’ Kevin Tripper li sab eżatt lil Alexader Isak li b’daqqa ta’ ras tefa’ l-ballun fix-xibka. [...]