stephen

Wara konsultazzjoni mal-Malta Football Association (MFA), il-Malta Football Referees Association (MFRA) u l-Malta Football Coaches Association (MFCA), l-Għaqda Ġurnalisti Sports (GħĠS) iddeċidiet li b’responsabiltà għat-tieni sena konsekuttiva tipposponi t-turnament tradizzjonali ta’ Boxing Day, li ilu jsir għal diversi snin. Dan it-turnament kwadrangolari isir bejn it-timijiet tal-futbol maghmula minn ġurnalisti sportivi, kowċis, staff tal-MFA u referis. L-Eżekuttiv tal-GħĠS iddecieda li jieħu din id-deċiżjoni wara illi qies is-sitwazzjoni preżenti tal-każijiet tal-COVID-19 li qed jiżdiedu f’dawn il-jiem. Għaldaqstant kien biss raġunament ovvju, li b’sens ta’ responsabiltà ma’ dawk kollha involuti fil-futbol lokali, ġustament ma jitkomplewx isiru il-preparamenti għal dan it-turnament, li fih issoltu kienu jinġabru donazzjonijiet għall-Istrina. L-GħĠS twiegħed li se tipprova tagħmel ħilitha kollha, jekk iż-żmien ikun jippermetti sabiex dan it-turnament jiġi organizzat fil-futur qrib.

After consulting with the Malta Football Association (MFA), the Malta Football Referees Association (MFRA) and the Malta Football Coaches Association (MFCA), the Exco of the Malta Sports Journalists Association (MSJA) took the decision to postpone once again the traditional boxing day football tournament, which has been organised for several years. This tournament traditionally sees football teams made up of sports journalists, coaches, referees, and MFA staff battling it out for a good cause. The MSJA’s Executive Committee took into consideration the increasing cases of COVID-19 in the last few days, and it was only fair that, for the benefit of all those involved in local football community that the 2021 tournament is called off. The participants of the tournament usually pool in a collective donation for the national fund-raising activity Istrina. If the situation permits, the MSJA will try its best to organise this football tournament, in the near future.