News

28 01, 2014

Charles Camenzuli mhux kontestat fl-AIPS Europe

By |January 28th, 2014|0 Comments

Charles Camenzuli, President tal-Għaqda Ġurnalisti Sports u Segretarju Ġenerali ta’ AIPS Europe, l-assoċjazzjoni fi ħdan l-AIPS li tirregola l-ġurnaliżmu tal-isport fl-Ewropa mhux se jkun ikkontestat fl-elezzjoni tal-Kumitat Ezekuttiv li għandha ssir f’April 2014 waqt il-Kungress tal-AIPS li għandu jsir f’Baku, Azerbaijan. It-terminu f’din il-kariga huwa għal tliet snin flok erba’ snin kif solitu jsir, dan biex il-konfederazzjonijiet kollha fi ħdan l-AIPS ikollhom l-elezzjoni li jmiss fl-2017. L-istess bħal Camenzuli mhux se jkunu kontestati Yannis Daras (Greċja) u Murat Agca (Turkija) fil-karigi ta’ President u Teżorier rispettivament. […]

24 01, 2014

Laqgħa kordjali mad-diriġenti tal-PBS

By |January 24th, 2014|0 Comments

L-Għaqda Ġurnalisti Sports l-entita’ lokali li tirrapreżenta lill-ġurnalisti, reporters u kummentaturi tal-Isports kellha laqgħa fil-jiem li għaddew mal-għola diriġenti tal-Public Broadcasting Services. Għal din il-laqgħa id-delegazzjoni tal-Għaqda Ġurnalisti Sports immexxija mill-President Charles Camenzuli iltaqgħet maċ-Chairman tal-PBS Dr. Tonio Portughese, mal-Kap Eżekuttiv is-Sur Anton Attard u mal-Manager Sports is-Sur Peter Cossai. F’din il-laqgħa ġew diskussi diversi materji fosthom id-deċiżjoni li ħadet il-PBS li xxandar il-kummentarji tal-logħbiet tat-Tazza tad-Dinja 2014 bil-kummentarju bl-ingliż. Filwaqt li ż-żewġ naħat iċċaraw il-pożizzjoni rispettiva tagħhom fuq din id-deċizjoni ġie maqbul li ż-żewġ naħat jikkolaboraw ma’ xulxin fil-futur bil-għan li jiġi ssalvagwardjat ix-xogħol siewi u professjonali li jsir mill-maġġoranza tal-membri tal-Għaqda Ġurnalisti Sports. Il-PBS għarfet lill-GħĠS li l-kumpanija se taghti spazju kbir lill-ġurnalisti sportivi lokali biex jieħdu sehem fil-ħafna programmi ta’ diskussjoni u analiżi dwar il-logħob tat-Tazza tad-Dinja matul il-kompetizzjoni. […]

16 01, 2014

Magħrufa l-finalisti tal-53 Edizzjoni tal-U*Bet Għazliet Sportivi Nazzjonali

By |January 16th, 2014|0 Comments

L-Għaqda Ġurnalisti Sports bħala l-unika assocjazzjoni tal-media f’Malta u minn din is-sena hija waħidha responsabbli mill-organizazzjoni tal-Għażliet Sportivi Nazzjonali ħabbret ufficjalment il-finalisti għall-53 Edizzjoni ta’ dawn l-Għażliet. Il-finalisti tħabbru mill-vici-President tal-GħGS Mario Bonnici li kien wkoll responsabbli mill-Bord tal-għazla fejn huwa ta dettalji dwar il-mod kif saret l-għażla u li għall-ewwel darba l-edituri u ko-ordinaturi ta’ programmi tal-isport taw il-vot tagħhom. Infatti għall-ewwel darba il-voti miksuba fis-semi finali ġew wkoll ippubblikati fejn fil-passat kienu biss jitħabbru l-ismijiet tal-finalisti. Tħabbar wkoll illi għall-ewwel darba se jingħażel l-Aħjar Atleta f’Għawdex. Dakinhar tas-serata ta’premjazzjoni se jingħata wkoll rikonoxximent lil atleta bi bżonnijiet specjali kif wkoll rikonoxximent għal attivita’ internazzjonali organizzata matul l-2013 u rikonoxximent lil dak il-ġurnalist membru li matul il-karriera għen fl-iżvilupp tal-media u l-isport Malti. Charles Camenzuli ,President tal-Għaqda Ġurnalisti Sports filwaqt li ta’ rendikont ta’ dak li seħħ minn meta l-GħGS reggħet kisbet l-identita’ sħiħa tagħha fl-organizazzjoni, rringrazzja lil dawk [...]

15 01, 2014

Jitħabbru fl-Finalisti tal-Għażliet Sportivi Nazzjonali

By |January 15th, 2014|0 Comments

Il-Ħamis mistennija jitħabbru l-finalisti tal-Għażliet Sportivi Nazzjonali 2013 liema premjazzjoni se ssir f'serata apposta il-Ġimgħa 31 ta' Jannar 2014 fil-Lukanda Le Meridien. Il-finalisti li se jitħabbru huma ħamsa fil-ħames kategorija tradizzjonali, iżda se jkun hemm sitt finalisti fil-kategorija tal-Uffiċjal tas-Sena. Iktar dettalji u l-lista kollha tal-Finalisti għada fuq dan is-sit. Il-Finalisti se jitħabbru waqt Konferenza Stampa li se ssir il-Ħamis f'Nofsinhar.

Go to Top