News

Dalgħodu waqt ċerimonja li saret fil-Forti Sant’Anġlu l-Birgu, s-semi finalisti ta’ l-Għażliet Sportivi Nazzjonali ġew ippreżentati b’ċertifikat kommemorattiv. Dan sar fil-preżenza tas-Segretarju Parlamentari Għaż-Żagħżagħ, Sport u Għaqdiet tal-Volontarjat l-Onor Clifton Grima kif ukoll il-Kumitat Organizzativ ta’ dan l-avveniment kompost mill-Għaqda Ġurnalisti Sport u SportMalta liema kumitat huwa iċċerjat mill-Kap Eżekuttiv ta’ SportMalta Mark Cutajar. Matul din iċ-ċerimonja ġew imħabbra wkoll il-finalisti tas-seba’ kategoriji li l-ġurija ser tkun qed tivvota għalihom matul is-serata ta’ premjazzjoni li ser issir nhar is-Sibt 23 ta’ Frar fil-lukanda Hilton u li ser tkun qed tixxandar dirett fuq TVM2 bit-trażmissjoni tibda fis-7:30 pm Barra dawn is-seba’ kategoriji matul is-serata ser isiru ħames preżentazzjonijiet oħra fosthom dik tal-People’s Choice Award li l-finalisti ta’ din il-kategorija wkoll ġew imħabbra dalgħodu sabiex issa l-pubbliku jista jagħti l-preferenza tiegħu billi jidħol fuq il-facebook page BeActive – SportMalta. Il-voti tal-pubbliku jingħaqdu ma’ dawk ta’ l-Assoċjazzjonijiet u l-ġurija sabiex fis-serata jitħabbar ir-rebbieħ [...]

Erba' atleti, uffiċjal, kowċ u klabb lokali kienu ppreżentati b'għajnuna finanzjarja mill-kumpanija Malto Lotteries wara li huma kienu rebħu l-unuri prinċipali waqt l-edizzjoni ta' Frar 2018 tal-Għażliet Sportivi Nazzjonali.   Dan l-avveniment li hu orgnizzat b'mod kunġunt bejn l-Għaqda Ġurnalisti Sports u SportMalta jonora lill-atleti, uffiċjali u Clubs li jkunu ddistingwew ruħhom matul is-sena.   Fil-preżentazzjoni taċ-ċekkijiet lir-rebbieħa il-Kap Eżekuttiv ta' Maltco Lotteries Vasilev Kasiotakis qal li hu ta' pjaċir tiegħu li l-Malto Lotteries hi assoċjata ma' dan l-avveniment. Hu nkoraġixxa aktar kumpaniji privati sabiex bħal Maltco Lotteries jinvestu fl-Isport Malti.   Sandro Micallef President tal-Għaqda Ġurnalisti Sports min naħa tiegħu rringrazzja lill-Malto Lotteries tal-impenn favur l-Isport Malti. Micallef rrimarka li hu ta' sodisfazzjon għaliħ u għall-Għaqda Ġurnalisti Sports li sa fl-aħħar l-Isport qiegħed jitella' fuq quddiem fl-aġenda tal-Gvern, xhieda ta' dan u l-importanza li qed jagħti lill-Isport il-Prim Ministru nnifsu matul l-aħħar xhur.   Il-preżentazzjoni mill-Maltco Lotteries sarret lil [...]