stephen

Jake Azzopardi (Kickboxing) u Kayden Laganà (Bowling) huma r-rebbieħa tal-Atlas Atleti Żgħażagħ tax-Xahar ta’ April. Jake Azzopardi li għad għandu 11-il sena, huwa ufficjalment l-iżgħar rebbieħ ta’ midalja tad-deheb għal Malta waqt il-Kampjonati Ewropej tal-Kickboxing ISKA li saru f’Malta. Taħt it-tmexxija ta’ Master Noel Mercieca huwa rebaħ id-deheb fil-kategorija Muay Thai tal-40 kilogramma. Huwa rebaħ ukoll midalja tal-fidda fil Unified Rules u bronż fil-K1 light. Min-naħa l-oħra, Kayden Laganà li għandu 18-il sena, mhuwiex wiċċ ġdid għal dan l-unur hekk kif rebħu f'Settembru tal-2020 u f'Jannar tal-2021. Lagana’ rnexxielu jirbaħ il-bronż fil-Masters fil-Kampjonati Ewropej taż-Żgħażagħ fit-Turkija. Fil-fatt huwa għeleb lill-favorit Tork Tuna Boncu iżda fis-semifinali tilef kontra l-Franċiż Timeo Dujardin, li eventwalment rebaħ il-finali b'mod konvinċenti. B'hekk Kayden Laganà spiċċa fit-tielet post b’midalja tal-Bronż. Il-preżentazzjoni tal-unur tal-Atlas Atleta Żagħżugħ tax-Xahar lir-rebbieħa saret minn Matthew von Brockdorff, Managing Director u CEO ta’ Atlas Insurance. F’isem l-Għaqda Ġurnalisti Sports kien hemm [...]

Jake Azzopardi (Kickboxing) and Kayden Laganà (Bowling) are the winners of April’s Atlas Youth Athletes of the Month Award. Jake Azzopardi, at just 11 years old, has officially become Malta’s youngest gold medal winner at the ISKA European Kickboxing Championships, held recently in Malta. Competing under the guidance of Master Noel Mercieca, Azzopardi delivered an outstanding performance, clinching the gold medal in the Muay Thai 40-kilogram category. He also won a silver medal in Unified Rules and a bronze in K1 Light. Meanwhile, 17-year-old Kayden Laganà is receiving this monthly award for the third time, having previously won it in September 2020 and January 2021. Lagana’ managed to win bronze in the Masters at the European Youth Championships in Turkey. He advanced to the semifinals after a close victory over the favourite Turkish player Tuna Boncu. Laganà finished third and claimed the bronze medal after being defeated by France’s [...]

Matul il-ġimgħa li għadha kemm intemmet, l-Għaqda Ġurnalisti Sports (GħĠS) ipparteċipat fis-87 kungress tal-Assoċjazzjoni Internazzjonali tal-Ġurnalisti Sportivi (AIPS), li sar fil-belt kapitali tal-Marokk, Rabat u għalih attendew is-Segretarju Ġenerali Lorraine Cunningham flimkien mal-President Onorarju u membru fil-Kumitat Eżekuttiv Sandro Micallef. B’attendenza ta’ kważi 90 pajjiż minn 4 kontinenti, dis-sena kienu diskussi diversi temi u avvenimenti sportivi li se jkunu qed iseħħu matul din is-sena u jkomplu fl-2026. Fost is-suġġetti ppreżentati kien hemm l-Olimpjadi tax-xitwa f’Milano Cortina, l-Olimpjadi taż-żgħażagħ f’Dakar is-sena d-dieħla kif ukoll l-logħob tal-FISU f’Rhine-Ruhr il-Ġermanja din is-sena. Matul it-tlett ijiem saru diversi fora u diskussjonijiet bis-Segretarju Ġenerali Lorraine Cunningham tkun waħda mill-membri tal-panel fil-forum dwar l-isfidi li jiffaċċjaw in-nisa fil-ġurnaliżmu sportiv. Taħdidiet oħra kienu dwar il-konvenzjoni ta’ Saint Denis, il-ġurnaliżmu investigattiv, l-intelliġenza artifiċjali, il-logħob illegali fl-isports u l-content creators. Saru wkoll preżentazzjonijiet mill-FIFA, UEFA, l-IOC, Special Olympics, l-IJF, iċ-Ċentru tal-isport tal-Karibew u l-Federazzjoni Marokkina tal-iSport. Matul il-kungress saru [...]