Saru magħrufa l-finalisti għall-edizzjoni ta’ din is-sena tal-iSport Malta Awards Għazliet Sportivi Nazzjonali, avveniment organiżżat b’mod konġunt minn SportMalta u l-Għaqda Ġurnalisti Sports.
Il-finalisti tħabbru waqt attivita’ li saret it-Tnejn filgħaxija f’Dar il-Mediterran għall-konferenzi l-Belt Valletta u li ġiet indirizzata mis-Segretarju Parlamentari għar-Riċerka, Innovazzjoni, Żagħżagħ u Sport Chris Agius, iċ-Chairman ta’ SportMalta Dr Luciano Busuttil, il-Kap Eżekuttiv ta’ SportMalta Mark Cutajar u l-President tal-Għaqda Ġurnalisti Sports Charles Camenzuli.
Għal sena oħra l-konkors se jonora sportivi maqsuma f’seba’ kategoriji differenti li se jiġu vvutati mill-ġurnalisti sportivi lokali waqt is-serata finali li se tittella’ s-sibt 25 ta’ Frar f’Dar il-Mediterran. Il-ġurnalisti se jkunu qed jirraprezentaw media houses differenti.
Għall-edizzjoni ta’ din is-sena ġew ikkonfermati l-awards tradizzjonali dawk ta’ sportiv, sportiva, żagħżugħ, żagħżugħa, tim, kowċ u uffiċjal tas-sena, bis-soliti rikonoxximenti jmorru għand l-atleti ta’ Special Olympics Malta, l-aħjar sportiv Għawdxi u l-avveniment tas-sena. Magħhom il-People’s Choice Award li jintagħżel b’votazzjoni popolari.
Il-finalisti ġew magħżula b’votazzjoni li saret mill-ġurnalisti sportivi membri fl-Għaqda Ġurnalisti Sports. F’erba’ kategoriji hemm sitt finalisti u mhux ħamsa minħabba li kien hemm min ġab l-istess ammont ta’ voti.
Il-finalisti kollha tas-seba’ kategoriji vvutati mill-ġurnalisti huma:
Sportiv tas-Sena
Camilleri Stevie – Waterpolo
Chetcuti William – Sparar
Degiorgio Charles – Tiġrijiet taż-żwiemel
Micallef Duncan – Drag Racing
Xuereb Nathan – Sparar
Sportiva tas-Sena
Abela Sue – Ten Pin Bowling
Carannante Tiziana – Ten Pin Bowling
Pellicano Helene – Tennis
Wingfield Charlotte – Atletika
Zammit Stevens Yazmin – Weightlifting
Uffiċjal tas-Sena : (6)
Azzopardi Esther – Football
Borda Joseph – Rugby
Camilleri Terry – Snooker
Caruana Jesmond – Weightlifting
Sultana Paul – Basketball
Zammit John – Ċikliżmu
Kowċ tas-Sena : (6)
Adamoli Angela – Basketball
Bugeja Jimmy – Sparar
Farrugia Anthony – Waterpolo
Holliday Daniel – Rugby
Izzo Karl – Waterpolo
Vella Silvio – Football
Żagħżugħ tas-Sena (6)
Cassar Kurt – Basketball
Galea Luke – Karate
Giordimaina Gary – Lotta
Magro Matthew – Ten Pin Bowling
Plumpton Ben – Waterpolo
Sultana Kijan – Squash
Żagħżugħa tas-Sena
Al Tumi Hannah – Basketball
Attard Gliveau Nicole – Atletika
Grillo Sana – Ġinnastika
Pellicano Helene – Tennis
Shultheis Victoria – Ibburdjar
Xuereb Sara – Ten Pin Bowling
Tim tas-Sena
Basketball: Tim Nazzjonali Nisa
Football: Tim Nazzjonali Rġiel U/21
Snooker: Tim: Alex Borg & Brian Cini
Waterpolo: Tim Nazzjonali Irġiel – ‘A’
Waterpolo: Tim Nazzjonali Under 19
Minbarra s-seba’ kategoriji ivvutati mill-ġurnalisti sportivi se jkun hemm ukoll il-People’s Choice Awards. Hawnhekk il-pubbliku se jkun jista’ jivvota online minn fuq is-sit uffiċjali ta’ Sport Malta https://www.sportmalta.org.mt/events/sportmalta-awards.
Il-ħames finalisti f’din il-kategorija huma:
People’s Choice Award
Tiziana Carannante – Bowling
Willima Chetcuti – Sparar
Keith Galea – Triathlon
Dennis Thornton – Regatta
John Zammit – Ċiklizmu
Waqt l-attivita’ tat-Tnejn filgħaxija ġew ipprezentati wkoll ċertifikati ta’ parteċipazzjoni lis-semifinalisti kollha tal-SportMalta Awards Għazliet Sportivi Nazzjonali ta’ din is-sena.
SportMalta Awards – Għażliet Sportivi Nazzjonali għandhom storja ta’ ’l fuq minn 55 sena fejn dawn l-għażliet żviluppaw minn sena għal sena. Sa mill-ewwel edizzjoni, li rat lil Wilfred Pirotta fl-1960 jirbaħ l-unur tal-Isportiv tas-sena, sal-lum fejn dan l-avveniment kiber fil-popolarità tiegħu kemm bil-parteċipazzjoni tal-Assoċjazzjonijiet u Federazzjonijiet, il-ġurnalisti tal-isport u anke l-pubbliku ġenerali.
Sport Malta Awards – Għażliet Sportivi Nazzjonali jsiru nhar is-Sibt 25 ta’ Frar 2017 fis-Sala tal-Konferenzi ta’ Dar il-Mediterran il-Belt Valletta u s-serata se tixxandar diretta fuq TVM2 bit-trasmissjoni tibda fit-8.15pm. Preżentazzjoni ta’ Pamela Schembri.
Leave A Comment