Scroller News

/Scroller News
27 02, 2019

Carmine Tommasone jattendi avveniment organizzat mill-Malta Boxing Federation

By |2019-02-28T08:13:04+02:00February 27th, 2019|Articles, Carousel News, Home Page, Scroller News, Sport Malta Awards - Għażliet Sportivi Nazzjonali|0 Comments

Il-Boxer Ċampjin tal-Kategorija Featherweight fl-Italja Carmine Tommasone, li kien il-mistieden tal-Għaqda Ġurnalisti Sports fl-edizzjoni ta' din is-sena tal-Isportivi Nazzjonali, il-Ħadd attenda għall-avveniment tal-Malta Boxing Federation li sar fil-Padiljun Sportiv ta' Kordin. L-avveniment kien sanzjonat mill-AIBA u preżenti f'Malta kien hawn ukoll il-President tal-MBF Patrick Schaerrer. Il-Boxer Taljan Tommasone kien ippreżentat b'tifkira tal-okkażjoni mill-President tal-Għaqda Ġurnalisti Sports Sandro Micallef u mis-Segretarju Organizattiv Antvin Monseigneur bħala ġest ta' ringrazzjament talli aċetta l-istedina ta' SportMalta u l-l-GħĠS li attenda għall-iSportMalta Awards Għażliet Sportivi Nazzjonali. Min naħa tiegħu Tommasone irregala lill-Għaqda Ġurnalisti Sports l-ingwanti li uża għall-preparazzjoni għall-Olimpijadi ta' Rio 2016, u x-Shorts li bih se jkun qed jiġġieled fis-sena 2019 bil-logo tal-kumpanija Matchroom Sports li hija waħda mill-ikbar kumpaniji ta' promoturi internazzjonali fix-xena tal-Boxing.  

27 02, 2019

Tħabbret il-mewt ta’ Oliver Mizzi, eks ġurnalist u korrispondent ta’ Radju Malta

By |2019-02-27T16:23:58+02:00February 27th, 2019|Articles, Carousel News, Home Page, Scroller News|0 Comments

Ilbieraħ tħabbret il-mewt ta' Oliver Mizzi, eks ġurnalist u korrispondent ta' Radju Malta għal dawn l-aħħar 35 sena. Mizzi kien espert tal-futbol Taljan, mill-Kampjonat tas-Serie A sal-kampjonati ż-żgħar. Oliver Mizzi kien joqgħod il-Mosta u kien partitarju kbir ta' Juventus FC. Huwa kellu 75 sena. L-Għaqda Ġurnalisti Sports twassal il-kondoljanzi lill-familja Mizzi.

21 02, 2019

Sena 2018 mimlija attivita’ u xogħol għall-Għaqda Ġurnalisti Sports

By |2019-02-21T16:52:21+02:00February 21st, 2019|Articles, Carousel News, Home Page, Scroller News|0 Comments

Għall-Għaqda Ġurnalisti Sport, is-sena 2018 kienet waħda impenjattiva ħafna. Il-Kumitat Eżekuttiv kompla jaħdem fuq ix-xogħol li nbeda fis-snin preċedenti u aktar minn hekk, tnehdew inizjattivi ġodda. Saru laqgħat uffiċjali tal-Kumitat kull xahar, fejn fil-bidu ta’ Ġunju tas-sena l-oħra saret il-Laqgħa Ġenerali Annwali li fiha ġiet eletta Lorraine Cunningham fil-kariga ta’ Segretarju Ġenerali biex b’hekk inkitbet paġna ġdida fl-Istorja tal-Għaqda bl-ewwel Segretarju u uffiċjal mara. Minbarra dawn il-laqgħat, il-Kumitat iltaqa' formalment ma’ diversi Assoċċjazzjonijiet u Federazzjonijiet Sportivi biex joffri l-għajnuna tiegħu rigward rappurtaġġ ta’ attivitajiet u biex ukoll jissaħħu r-relazzjonijiet bejn ż-żewġ naħat. Fost dawn il-laqgħat saret ukoll laqgħa uffiċjali man-National Anti Doping Organisation ta’ Malta. S’intendi, fil-bidu ta’ kull sena, l-Għaqda Ġurnalisti Sports tkun impenjata bis-sħiħ biex flimkien ma’ SportMalta, jkunu organizzati l-Għażliet Sportivi Nazzjonali, attività li tkun segwita b’sensiela ta’ żjarat ta’ kortesija tar-rebbieħa għand is-Segretarju Parlamentari responsabbli mill-Sport Clifton Grima kif ukoll għand il-Kap tal-Oppożizzjoni, Adrian Delia. Saret [...]

20 02, 2019

Il-Finalisti tad-59 edizzjoni tal-iSportMalta Awards Għażliet Sportivi Nazzjonali

By |2019-02-20T17:07:18+02:00February 20th, 2019|Carousel News, Home Page, Scroller News, Sport Malta Awards - Għażliet Sportivi Nazzjonali|0 Comments

Nhar is-Sibt 23 ta' Frar 2019 l-Għaqda Ġurnalisti Sports flimkien ma' SportMalta se jorganizzaw edizzjoni oħra ta' SportMalta Awards Għażliet Sportivi Nazzjonali. Din is-serata se tixxandar diretta fuq TVM2 mis-7.30pm 'il quddiem. L-edizzjoni ta' din is-sena hi d-59 edizzjoni sa minn meta beda jkun organizzat il-konkors Sportiv tas-Sena lura fl-1960. B'kollox se jingħataw 11-il unur li minnhom se jkun hemm 7 kategoriji li l-unur se jitħabbar waqt votazzjoni tal-ġurija komposta minn ġurnalisti tal-Isport. L-edizzjoni ta' nhar is-Sibt se tkun qed tirrikonoxxi l-kisbiet tal-atleti u l-uffiċjali matul is-sena 2018. Biex tara l-profil ta' dawn l-atleti u l-uffiċjali li huma finalisti idħol fid-dokument t'hawn taħt: Min huma l-Finalisti